RSS

Category Archives: Sunaina…..

Sunaina….the journey of a woman…
Credit Goes to ANU DI!!!!!

Dil ka dard juban par aa nahi paaya
Aarzoo to bahut thi kuch kah nahi paya….

Aisa kya kismet ne dikahaya ki
Waqt ne kar diya is dil ko pathar ,rona
Jo chaha,to ek aansoo aankhon main na aya…..

Sunaina….PART 2

 

tumhara naam tumhari  naino jaise sundar hai, ma-baba ne aapka naam ekdam sahi rakha hai. jitna aapka naam sundar hai utna hi aapke yeh do nayan jo aapke dile -haal bayan kar dete hain

Sindoor si lalima cha gayi thi mere chehre par…. shayad aaj tak kisi ne mere nainon ki  itni sundar varnana nahi ki thi . Akshat apni manmohak rutbe aur baaton se mujhe moh liya tha .  Ek pal mein hi apna dil de diya. Dil hiran ki tarah kood raha tha, ghabharat si ho rahi thi, lag raha tha ki akshat bas mere paas hi rahe . Yeh pehla ehsas….isi ko shayad pyar kehte hain. Hai, mujhe akshat se pyar ho gaya!!!

                        

shayad isi ko “pehlii nazar mein pyar kehte hai” .
Mujhe lag raha tha ki mera sapna poora hone ja raha hai. Har ladki kahi na kahi ek aisa ladke ki chah rakthi hai jo usse bahut pyar kare. Useapne palko pe saja kar rakhe, jo akshat ne apni pehli mulakat mein ehsaas dila diya tha  ki ab wahi meri manzil hain. Wo mujhe us sapno ki duniya mein le gaye jise aaj tak mein bahar nahi aa payi. Kya sapne sach hote hain? Haan, akshat ne mere har sapne ko ek sach banayaa aur us sach ko bhi mein sapna hi kehna chahungi.

PRESENT
phone ke ring ne mujhe ateet ke panno par bookmark lagane par majboor kar diya. Phone par Ansh, humara ansh tha, humari khushiyon ka ek phool  jisne humari duniya puri ki thi humein ma-papa banne ki khushi di thi.

Ansh: HAPPY ANNIVERSARY MA. Kaise hai aap dono?

 Sunaina: thanks beta  aur hum theek hai . Tum batao tum kaise ho. supriya kaisi hai?

Ansh: sabh theek hai ma. priya bhi theek hai. work pressure hai ma isliye hum nahi aapaye .

 Sunaina: its ok beta. Skype mein baat kar lenge. Waise papa aaj uthe nahi!

 ansh: kyon papa ko retire hone ka irada hai ..

aur jor se hasne laga aur kehne laga, “ waise aisa kuch hone wala nahi. Papa aur retire shayad kabhie nahi. Ma maloom haina kitne passsionate hai apne kaam ko lekar


sunaina: haan beta. Ise koi nahi badal sakta par haan tum dono humein gift de do to shayad akshat retire lene ki soche…

and I couldn’t stop giggling!

ansh: mamma, aap bhi phir shuru ho gayi??? i am getting late will catch u at skype…bye maamma and love u lot  and khoob maza kijeye hum ne aapko aisa mauka diya hai…

aur wo jor se hasne laga
sunaina (smiling): thanks beta. par plz socho mere suggestion ko sach mein badlene mein  and apna aur priya ka dhyan rakhna . Bye
    

  phone rakthe hi phir se ghanti baji . muskurate hue phone uthaya to sunahari  ne chillate hue wish kiya.

  sunahri: hai mamma, HAPPY ANNIVERSARY MA. papa kaise hai, uthe nahi honge aapko wish bhi nahi kiye honge. kal late aaye honge .aur aap as usual  lawn mein baithe apni coffee ki mug lekar apni sapno ki duniya mein honge haina mamma mein sahi keh rahi hu na?? Waise mein theek hun, college bhi thik chal raha hai . Mamma, last sem bus phir aapke same khadi hogi Dr. sunhari kashyap. Wah..it sounds so good na mamma. Ahhh, waise aap line mein ho na . Kuch bol kyon nahi rahi …

  sunaina; pehle saans to le le beta . Bina, coma, fullstop bolne ki teri aadat nahi badli na shyad kabhie badlegi. Badi ho gayi beta. Thoda to try kar sakthi haina …meine has diya. aur beta jab doctor ban jaogi to kya tum patient se bhi aisa bologi to kya hoga un becharon ka …haste hue pooncha
sunhari:  meri taang khich rahi hai na. jao mamma mein aapse baat nahi karte …mu banake kaha
theek hai jao mein maaf kiya bina aapke pooche . Papa ko uthao mujhe wish karna hai . baad mein shayad mein na kar paon. aaj ek gaon mein 2 din ki duty lagi hai

sunaina: papa kal late aaye the . Don’t worry mein keh doongi. Thanks beta aur apna khayal rakhna . Aur thodha energy bachakar rakhna

 sunhari: woh kaise mamma …badi maasoomiyat se poocha
sunaina: haste hue kaha …maun vrat  se …jor se hasne lagi
sunhari: maamaaa, chilate hue kaha, “jao apse nahi baat karti . bye ma . Enjoy ur day


sunaina: bye beta aur khayal rakhna aane ke baad phone karna . Take care .

 phone rakhkar ghadi dekhi to 8.00 baj rahe  the . sunhari ki batein yaad aane lagi . humari chothi si gudiya  humare parivar ko poora kar diya tha . Ansh shuru se shant tha aur sunhari chulbuli ,natkhat ,shararthi sundar si pudiya thi papa ki duniya thi .  Akshat ne use naam diya tha. yeh humari zindagi mein sunhari dhoop lekar aayi  hai .jo shayad sach bhi tha, sunhari ke aane ke baad humari bagiyan mein char chand hone lage . akshat kamyaabi ke aur  teji se chale jaa rahe the . parivar mein har tarah ki khushi se bhar rahi thi . akshat ke liye ” ansh unka guroor tha aur sunhari unka garv thi ” bachon ne bhi kabhie bhi akshat  ka vishwas kotootne  nahi diya. dono ne kamyabi haasil ki aur aaj apna naam aur humara naam roshan kar diya.


 sunaina ab bas bhi kar  …naha le . dekh tym kya ho raha! bedroom mein akshat abhi bhi so rahe the . Jagnae ki kosish ki to, thodhi si harkat karte hue aur paanch minute kah ker phir se so gaye .akshat aap nahi badloge …akshat ki sabse badi weakness thi sona. Bahut shauk se sothe the . shauk se aapko tajub hoga , shauk se matlab …? Kyonki maine kabhi bhi aise insaan ko nahi dekha jo sone ko bhi apna hobby bana saktha hai. Kitne pyar se apna waqt bitate the sone mein aur mujhe bhi kehte, “nania plz chalo aaj so jate hain”…jaise kabhie bhi soye na ho . Shuru shuru mein to mujhe gussa bhi aata tha ki– haye’yeh kitna sote hai . Yeh bore nahi hote  so so kar??

 
3 Comments

Posted by on 15/01/2012 in Sunaina.....

 

Sunaina…..Part 1

 

Subah ki pehli kiran chehre padte hi snaina  ki hoton par aap hi muskharat bikher di . angdhai lete subah ka swagat karte hue jab sunaina ne apni aakhen kholi to nazar bagal mein aaram se sote huae aksaht par padi. phir  se pal tham gaya .

Mujhe aisa kyon ho jata ki jab bhi akshat ko dekthi hun to dil phir se dhadak utta hai ,25 saal bitane ke baad bhi mein unki aur kheechi chali jati hun . Shayad iski ko beintaha pyar kehte hain jo mein akshat se karti hun.

apni soch se bahar nikal  kar mein akshat ko jagane ki koshish ki, par akshat ne kaha- plz naina, mujhe sone do aaj walk pe nahi jana.

 sunainatheek hai . phir mujhe na kehna ki maine nahi jagaya.

par man kisi kone mein mujhe bhi nahi jane de raha tha. laga ki mein unke bahon ki aagosh mein apne aap ko samet loon. mujhe maloom hai aaj hamari salgirah hai aur akshat ne kuch surprise plan kiya hoga  par mujhe yeh pal jeena tha unke saath ,unki bahon mein us waqt ko yaad karna tha ki jab hum is bandhan mein bandhe the, mehsoos karna tha jab hum  nayi zindagi ki shurawat ki thi.

25 saal pehle jab ek subah ne ek nayi aasha aur sapno ko aakar diya tha aaj usko mehsoos kar rahi thi, mein apne aap ko rok nahi payi, dheere se bed se uth kar meine jab nazar  kamare mein daudai, to bahut se khati-meethi yaadein tazaa ho gayi. Ek sukoon se ehsaas lete hue kadam apne aap hall ki ore badh gaye, sannata tha par haan us sannnate ke peeche bachon ki kilkariyan, unke jhagde, ma-baba ke bahas, unka aashirwad , akshat aur mere nokh-jhonk har kone mein simthi hui thi. Apne aap muskharate hue, kitchen ki ore badhi jahan  har kone mein apni hi chavi dikthi hai. Jahan din ki shurwat hoti apno ke liye…. kuch banakar kar khilati aur unke chehre mein wo khushi aur trupti dekthi hun to lagata hai ke isse zyada mujhe aur kaya chahiiye!!!

Insan sapne poore karne ke liye jeevan bhar baghta hai par jab ghar aata hai aur use  apno ke saath khana mil jaye to shayad usse badhi khushi ho nahi sakthi . aur use pura karthi hai, ek maa, ek behan, bhabhi, aur ek patni. mein bahut khush hun apni is choti si duniya mein jo meine aur akshat ne bahut pyar se seencha aur us bagiyan ke phool khil kar apni  khusboo phela rahe hain.

 

  yaadon ka basar phir mujhe dominate kar raha tha. yaad hai,  naina,  meine apne aap se kaha…jab pehli baar kitchen mein maa ne pooja karvaye thi… kitna ghabrai hui thi mein… ki mere haath ka halwa pasand  aayega ki nahi. Aur jab sabko pasand aaya to kitne aashirwaad mile…..aur akshat ne to apni naughty smile se mujhe andar tak beegha diya tha.

Apni coffe liye hue lawn mein aa gayi jahan hara bhara garden mere hare bhare parivar ka  pehchan ka ehsas dilata. Shuru se nature se judhi hui thi. Mein ghanto baithe yaha apna waqt guzarti thi. Yeh plants, gulmohar ka pedh, gulab ki sugandh humesha mujhe sukoon deti hai aur shayad meri zindagi  mein khusboo  bikher  thi hai.             

25 saal pehle ka wah din  ko yaad karne lagi jab 20 saal ki sunaina college se wapas aayi to dekha kuch anjane mehmaan  bethein mera intezar kar rahe the. Mein kitna sakpaka gayi thi aur mujhe yaad hi nahi raha ki  abhivadan karna hai. Papa ki ladli, ma ki aankhon ka tara, bhai ki jaan Sunaina ne apni shadi ki baath suni to apne aap hi naino se aksh behne lage.

 

Shayad sanskaron ne kabhie ‘na’ kehna sikhaya nahi tha. Jab ma-babane apne akhon se poocha tho mein meine bhi apne maun naino se “haan” keh diya. Mujhe kuch samajh mein nahi aa raha tha. Sab itna jaldi se ho raha tha. Akshat to ektak mujhe nihar rahe the aur mein sharam se pani pani ho ja rahi thi. Samay ke virudh ma-baba ne mujhe akshat ke saath ghumne jane ki ijazat di to mere hath-paon thande ho gaye. Jis ladki ne kabhie bhi anjan logon se baath bhi nahi ki thi, aaj use ek ajnabi shaks ke saath bahar behja ja raha tha!  Bhagwan ko yaad karte hue, dheeme dheeme mein aur akshat bahar walk karne nikle.

 

Mausam suhana tha shayad humara saath de raha tha….par phir bhi paseena ki bhoonde dono ke mathe (forehead) par chalak rahi thi. Park mein ek bench mein hum dono baith gaye . Humari dil ki dhadkon ki aawaz saaf sunayi derahi thi . aur pehla sentence akshat ka  jo aaj bhi mujhe bheegha deti hai..unhone  kaha…..

 

tumhara naam tumhari  naino jaise sundar hai, ma-baba ne aapka naam ekdam sahi rakha hai. jitna aapka naam sundar hai utna hi aapke yeh do nayan jo aapke dile -haal bayan kar dete hain

Sindoor si lalima cha gayi thi mere chehre par…. shayad aaj tak kisi ne mere nainon ki  itni sundar varnana nahi ki thi . Akshat apni manmohak rutbe aur baaton se mujhe moh liya tha .  Ek pal mein hi apna dil de diya. Dil hiran ki tarah kood raha tha, ghabharat si ho rahi thi, lag raha tha ki akshat bas mere paas hi rahe . Yeh pehla ehsas….isi ko shayad pyar kehte hain. Hai, mujhe akshat se pyar ho gaya!!!

xxxxxxx            

 
10 Comments

Posted by on 10/01/2012 in Sunaina.....